Archive de la catégorie ‘Non classé’

Mevey nan lanfe(paypwa pa papa)

Posté le 25 novembre 2012 par stemarx

Nan vant ke nou ye
Nou santi lavi-n menase
Nou rele anmwey, sekou
Paske fenwa bare lajounen-n
Kiyes ki resi rive sou nou
Pwop papa-n ak yon bonjou
Nou souri, n-menm ta anvi bal men
Poutan, se li-k
vini pou rache lonbrik nou.

Sak pat dwe fet la resifet
Meg ou pa, li fri li fri net
Se kwe ki manmi ak paket
Se gras ak vannen mayi kay vwazen
Manmi resi jwenn yon twagouden
Kouri nan mache, podyab, anyen paka achte
Ot ke twa bout manyok, yon ti sik nan pake
Mache vit pou-n pa trepase, gwo lanwit
Rive se yon, graje se de, kibo? nan yon bout manit

Nan mande charite san rete kay etranje
Pou resi met pye-n kay tisenek
Nou kite kay grann, chak jou ak dlo nan je
Rive lekol panse woule pase yon sek
Paske lavi a te gen tan fe-n filozof
Nan chita pran soufrans kou blof
Nan kriye pou ti moso afeksyon
Nou t-oblije vinn pran bibla kom sel pasyon.

Filozofi-n fin fet, al papa ke pye
Li di : « ou pat nan planm » alo nou pran priye
Ennan, dezan pase inivesite ap fen filang
Zekle Bondye pete tout chenn
La menm pawol la pran lang
Tout moun plede pran lapenn
Pou yon tinonm tre saj
Pou papa l sevi-l pye loraj!

Zanmi kelkeswa sa lavi ta fe w
Pa janm bliye manman w ki te fe-w
Si l te ka kite soti di late bonjou
Seke nan kel gen lanmou
Yon bon papa sa tre ra
Si w ta we pow la pat pran nan panzou
Se ak mil rezon pou pase men nan kou-l
paske se pa tout papa ki papa
Genyen se bonjan pay pwa.

Mevey nan lanfe(paypwa pa papa) 0011Image de prévisualisation YouTube

Ti lobey ant Soley ak lalin

Posté le 16 novembre 2012 par stemarx

Soley leve anba wob lalin
Pandan ke zetwal ap fe fiyetlalo nan ravin
Jouk zekle soude liben-l bay tone
Lapoula flech asezone linive
Ak yon tipatikil sansasyon
Plonje lespri nan konstelasyon
Djige neyan
Plotonen  
Alonje 
Byen kwense
Peze ponmen
12 mas pran testaman
19 novanm late  jibile nan bay ochan
Rasin va tounen manchet
Nan fran twon bwa kou rachet
Ya peze matris pou vomisman
Po seche pou chanmchanm
E dlo bwote dan madanm
Woy!
Dlo jete nan lalin
Men l pa fonn
San yon ti sin
Nwaj reponn:
- Lalin fe Lobey
M vin pitit soley.

Marx Stephenson TelusmaTi lobey ant Soley ak lalin 60760_557947667554295_2011458676_n

Romans file lanmou

Posté le 16 novembre 2012 par stemarx

Se pa ti penitans
pou lanmou jwenn womans
Se nan kalfou plezi-l rete
Pou powet kalonen tete-l
Ak kout lang
Dodomiyo-l ak moso pawol
pou yon ti moso filalang
glise nan yon lagodeli sankontwol
Setalo, tet li kwense nan kanari
se kouri san ri fe bri
jigote nan labim
jouk  lapli tonbe sou pikan kwannan
tire kout boul veritab bibim
Ki ret tache jouk nannan

Romans file lanmou 009

1dis pa en 10

Posté le 14 novembre 2012 par stemarx

Bò lakay azizwèl pase monte anwo
Desann anba jipon valè-l pa vo.
Bri ki  kònen, dèfwa, konn fè jeretyen
Men krebete sa paka fè ven, lpito vlen

Lopital devan lakay li vann gaz,
Ou gen le ta anvi twouve sa raz .
Al nan magazen an, achte medikaman
gad de matchyachya! E paw pantan?

Jis fon ti pase devan sante mizè
Gwo midi santo bay sante kout zè.
Van soufle, menm sa-k anviwonman an
Mouche fatra bay senyati tanzantan

Devan balis premye kounouk Pakoti
Prela ap fè emisyon sou lalwa demagoji,
Manzè mouch atò sèl espektatèz jadenmas
Kom kòkòb kis mangonen kap fe grimas.

Tout radio isi pale jimay ak charabyay
Yo menm derefize tren an pran ray
Lave zòrèy ou wi, abit s-yo gen pati wi!
Men konsa tou genyen-k chale pafè mi

Granmoun zòktòp pired ke kodenn
Lajan bay dwa tòktòk bredjyenn
Fanm ou pa, bay tòtòt kou papousib
Tikikit bwè ze kodenn isit byen pezib.

Image de prévisualisation YouTube

Marx Stephenson Telusma1dis pa en 10 007

Lanmou bebe janm efase

Posté le 12 novembre 2012 par stemarx

Depi lontan, m’ap cheche 
Yon bel ti Roz, bo yon Rivaj 
Ta li ta, fo-m jwenn li, avek kouraj 
Paske, sekre bone-m se nan li l-ye 
Mezanmi! si tout fwa, nou ta kwaze-l 
Tanpri! Dil pawol sa pou mwen ase:

 » ou se premye ki leve nan jaden-m 
Ou se premye ki filange santiman-m 
Depi le sa, doule sila ap ravaje-m 
Se ti moso souri-w ki apeze dlo-k nan je-m

Franchman, ou vreman domine-m 
Si tout fwa, ou ta va gade nan je-m 
Anverite, fok ou ta we-m nan lapenn 
Ke-m tounen yon degizman, telmanl grenn

Lanmou Bebe sa pap janm efase 
Gade! nepot jan desten few vinn ye 
Annik fem siy,…, e m’ap deja rive
Se ou sel ki ka remete ke-m jan’l te ye »

Lanmou bebe janm efaseMarx Stephenson Telusma 

Image de prévisualisation YouTube

lojik aplike nan lanmou

Posté le 12 novembre 2012 par stemarx

Yon ti jewometri  ti cheri
Menm jan  dwat koupe
Triyang izosel la nan sek sikonskri a an de
Li fe wote-l, li fe medyatris li
Se menjan pou mwen doudou
M ta renmen koupe triyang ou a
Epi dyige nan sek sikonskri ou a
Pou-m fe plezi w, fe bone w

Tout dwat ki pote zero
Sou yon lot dwat, ki pepandikile
Vinn strikeman paralel e konfondi
Se konsa tou, lew anglobe, kouvri kou dra
Ak ti dwat pepandikile m mwen an nan ou
Nou vinn strikeman ini pou la vi kontinye

Pezante se yon fos
ki atire tout fos ki nan mitan te a
Menm man, pareyman pou nou
Tout lanmou ak dezi ke ta genyen
Ap toujou glise desann nan  janm ou
Si tout fwa, m ta fache, boude,…, gade jis banm yon ti losye
Epi lape!

Image de prévisualisation YouTube

Kreyol lang linite ak diksyon

Posté le 12 novembre 2012 par stemarx

Yo desann kanson yo sou kreyol
Tankou le y-ap vale flouflou
Epi yo dolote franse pired ke yon makouklou
Oo, remed neg sa yo se bwa panyol

Pawol neg sa yo pa fonde
Lespri yo gen le devegonde
Entelijans yo pa rive yon ti gode
Yon paket chen sankrok, yo pa ni mode ni gronde

Mezanmi! yon kreyol  ki te makonen
Pa pisans lespri sen, l deplwotonen
Apre goudougoudou, l fe vale-l sou gougel
Tout moun we sa:  Ti pe Titid, Stiv brinach e menm Ragel

Monche o! Ou ta sipoze tounen nan tisenek
Ak ti silabe w paske la pa gen kwadek!
Almanye chante kreyol: Choukounn
Liman kazimi, sove plante manyok pa gen mounn.

Yon kreyol, le sou brenzeng li
Tout moun se kouri kompoze menreng pou li
Mesye,oo! Chinwa kou kanadyen s-on sel chanson
Kreyol la fasil, santi bon, medikaman pou tout diksyon

    Image de prévisualisation YouTube

Un dit pas tout dit

Posté le 11 novembre 2012 par stemarx

Le banc a dit: 
 » C est un p’tit etre »
Nou neg kreyol nou di:
« Timoun sa son ti bet »

 Le banc a dit:
« C est de ma race ca »
Nou neg kreyo nou di:
« Se de ma rasa »

Le banc a dit:
« Ben voila, tiens, tiens! »
Nou neg kreyol nou di:
« Men tyentyen »

Le banc a dit:
« Voila l’abre veritable »
Nou neg kreyol ou di:
« Sa se lam veritab »

Soudain, le blanc a dit:
« Ce sont mes bien meubles »
Menm moman nou kreyol nou bay yo vineg,
Kase  chenn e menm semante: (non ataye zeb) »

Image de prévisualisation YouTube

Fyel nan mwel, Nwel

Posté le 11 novembre 2012 par stemarx

Se nan sezon Nwel

Pou ta we sa rad sal fe batwel,

Kijan paydefe ap satiyet bouda chodye,

Koman Titin pase pou ti pikwa, nan chache kiye

 se nan sezon nwel

Pou  ke ki  kou fyel, ta vinn myel

Ni pou tonton koured, ta vinn toton nwel

Pran tout tyanpan nan dyakout bay pou fe bebel

Se nan sezon nwel
Chak  swe, Josefin bay yon ti grabday anba tonel
jis poul ka  touche foto prezidan Ipolit,  Pou fe wel
Men se toujou la tou, li gen randevou pitit anwel

Sezon nwel ou pa nwel
Toujou gen lavi pou Manwel
Paske chak aswe jete, fe bone l kaz Makome Abel
Nwel fe bel, nwel bay rel e nwel se pete fyel

Aba pa viv men viv se aba

Posté le 11 novembre 2012 par stemarx

Bri kouri nouvel la simaye

Jouk rive nan abitasyon Labosye

Ayiti tounen soulye-k dekole kay kodonye,

Po byen kale , semel menm plen pousye.

Ayisyen rele aba pou viv

Pou pwomes manje legim ak viv

Detwa jou,  nan deye-w , yo rele chalbari

Ak yon moso pankat,  kawotchou nan tout ri

Menm penso ki te pentire katon roz la

Se toujou li menm ki pentire katon rouj la

Alo, w-al pran pep pou krabe-w

Nan griyen dan konsa, y’ap flanke w yon pataswel bewww!

E wap sezi we aba retounen viv

E viv menm vinn aba. mm, chemen gildiv

Se si tout fwa ou konn bwe kleren

Sinon, vye fre, chache mereng pou bwase ren.Image de prévisualisation YouTube

123

D'autres nouvelles

Non classé

Kreyol lang linite ak diksyon

Kreyol lang linite ak diksyon

Yo desann kanson yo sou kreyol Tankou le y-ap vale flouflou Epi ...

Un dit pas tout dit

Le banc a dit:   » C est un p’tit etre » Nou neg ...

Fyel nan mwel, Nwel

Se nan sezon Nwel Pou ta we sa rad sal fe ...

Aba pa viv men viv se aba

Bri kouri nouvel la simaye Jouk rive nan abitasyon Labosye Ayiti tounen ...

Laviwonndede

Nan plante libete nan marekay kou mazonbel Bigay soti nan zetwal, ...

De quel je t’aime tu m’aimes

Il y a des Je T’aime Amoureux… ♥  Des Je T’aime ...

Ti totot

kiyes ki ka konpare mervey Bondye  Gade depi lezom te tibebe  li ...

La Pistis Sophia DÉVOILEMENT

«En vérité, aucun mensonge, certain et très véritable. Quelle est en ...

Un trophe cadeau de palmier

Dans la blanche et Sainte maison une chaise m’a ete reserve Les points ...

La nuit est a son jour

Au creux de ta benite forteresse, hier soir. Mon pauvre ame ...

Ayiti sentanize!

Ayiti kisa w fe wap peye Gade, kijan jamayik derespekte-n Prann pi ...

Action

Acceptez les circonstances extérieures à vous. Acceptez et honorez le passé. Acceptez ...

Apprendre a aimer

J’ai appris à aimer mon prochain comme moi-même, Mais j’ai ...

RECETTE POUR FORMER UN DELINQUANT

.- Dès l’enfance, donnez-lui tout ce qu’il désire. Il grandira ...

Le miroir de Gandhi

Ils ont demandé à Mahatma Gandhi quels sont les facteurs ...

Sen Valanten tout la jounen

Pakite sen valanten, few fe tenten. menmsi ou paka bay ...

Ou se nanm nou

Nan yon flanm soley fwet kach Zansèt yo te baw nesans ...

DE SI A EN VOILA!

Si l’on écoute un enfant, il comprend qu’il mérite d’être entendu. Si ...

l’histoire du scorpion et du Maître zen

Le monde du développement personnel est parsemé d’histoires zen, de ...

Saki sa pa sa

Konsyans nou finn badijonnen Anba pawol gwadchi gwadchya Moso twel dinyite-n tonblanen Drivaye ...

Ayiti Zôn bay nanm valè

Mwen m pa janm nan  badinay Se pou sa yo rele ...

Adadisme |
Blackeden |
Readbook |
Unblog.fr | Créer un blog | Annuaire | Signaler un abus | atelier d'écriture Bou...
| Café littéraire
| Tononkalo Malagasy